﻿KHA VHA LWISE KHOLERA
﻿
﻿
﻿
﻿
﻿NDILA I LELUWAHO YA U THIVHELA KHOLERA
﻿
﻿MIHASHO:
﻿YA ZWA MADI NA MADAKA -  MUVHUSO WA ZWA MUTAKALO WA PHUROVINTSI NA WAPO- VHUDAVHIDZANI HA MUVHUSO NA SISITEME YA MAFHUNGO
﻿
﻿
﻿
﻿Naa kholera ndi mini?
﻿
﻿
﻿Kholera ndi vhulwadze vhune muthu a vhu wana nga u nwa madi na u la zwiliwa zwine zwa vha na tshitshili tsha kholera.
﻿
﻿Tshitshili tshine tsha vhanga kholera tshi wanala kha malatwa a muthu.
﻿
﻿
﻿Naa kholera I phadalala hani?
﻿
﻿
﻿Nga u nwa madi na u la zwiliwa zwine zwa vha na tshitshili tsha kholera.
﻿
﻿
﻿Naa muthu ane a vha na kholera vha mu vhona hani
﻿
﻿* Musi muthu a na vhulwadze ha dangani
﻿* Musi muthu a tshi tanza
﻿* Musi muthu o lozwa madi manzhi muvhilini.
﻿
﻿Ndila ya u thivhela kholera
﻿
﻿1. Kha vha vhone uri madi ane vha a shumisa o vhiliswa kana o shelwa mishonga.
﻿1.1 U vhilisa madi: Kha vha dudedze madi u swikela a tshi seluwa, nga murahu vha a vhilise minithi muthihi.
﻿1.2 U shela mushonga madini: Kha vha shele thisipuni nthihi ya bulitshi kha madi a lithara dza 25. Kha vha a tibe vha a litshe awara mbili kana u fhira phanda ha musi vha tshi a shumisa
﻿
﻿2. Kha vha tanzwe zwiliwa zwi songo bikwaho nga madi o vhiliswaho kana o shelwaho mushonga phanda ha musi vha tshi nga zwi la.
﻿3. Kha vha tanzwe zwithu zwa mutani zwa u fara madi, dzikhali na ndishi nga madi o vhiliswaho kana o shelwaho mushonga.
﻿4. Kha vha shumise khaphu yo kunaho u ka madi kha tshithu tshihulwane tsha u fara madi.
﻿5. Kha vha dzule vho tiba zwiliwa zwavho nahone vha zwi tsireledze kha dzithunzi.
﻿6. Kha vha fhate mabunga a VIP kana a dindi kule na zwisima zwa madi (tshisima kana mulambo)
﻿7. Vha songo shumisa milambo sa mabunga, kha vha shumise bunga la VIP kana la dindi.
﻿8. Kha vha tambe zwanda zwavho nga madi o vhiliswaho kana o shelwaho mushonga musi vha tshi bva bungani na phanda ha musi vha tshi fara zwiliwa.
﻿
﻿
﻿Ndila ya u thusa muthu o no di farwaho nga kholera
﻿
﻿Kha vha mu fhe madi manzhi o tanganyiswaho na swigiri na muno uri a nwe.
﻿
﻿
﻿Ndila ya u ita madi o tanganaho na swigiri na muno
﻿
﻿Kha vha shele thisipuni dza 8 dza swigiri na hafu ya thisipuni ya muno kha madi a lithara dza 8 vha zwi tanganyise.
﻿
﻿
﻿Kha vha mu nee aya madi o tanganyiswaho nga matuku nga matuku nga hune vha nga kona.
﻿
﻿
﻿
﻿ZWA NDEME
﻿
﻿Vha elelwe u nea muthu ane a vha na kholera madi o tanganyiswaho na muno na swigiri tshifhinga tshothe.
﻿
﻿Kha vha ise muthu onoyo kha kiliniki ya tsini kana kha senthara ya u thusa vhathu vho fhelelwaho nga madi nga u tavhanya.
﻿
﻿Arali vha tshi toda mafhungo nga vhudalo, kana vha tshi vhona u nga vha na kholera, kha vha dalele kiliniki I re tsini, sibadela, dokotela kana mushumi wa zwa mutakalo.
